Без матбугатта (май 2012)
/ 0
- Тулы мәгълүмат
- Бүлек: Без матбугатта
- Бастырылган: 20.05.2012 10:31
- Автор: Administrator
- 7 карау
«Мөселман зиратын яптырмыйбыз!»
Казандагы мөселман зиратын суд аша ябарга телиләр. Ирек мәйданында Мәрҗани мәчетенә караган мөселман зиратын яптырмауны таләп итеп пикет узды. Каршылык чарасында 100дән артык кеше катнашты.
“Азатлык” яшьләре пикетта язучыларга үз таләпләрен җиткермәкче
18 майда Татарстан язучылары берлегенең корылтае алдыннан Казан милли-мәдәни үзәге бинасы каршында “Азатлык” татар яшьләре берлеге “Язучыларга сүзебез” исемле пикет оештыра.
Татар Азатлык яшләр берлеге мөрәҗәгәте!
2012 ЕЛНЫҢ 18 МАЕНДА КАЗАН ШӘҺӘРЕНЕҢ МИЛЛИ МӘДӘНИ ҮЗӘГЕНДӘ (НКЦ) ТАТАР ЯЗУЧЫЛАРЫ БЕРЛЕГЕНЕҢ СЪЕЗДЫ БУЛАЧАК! БҮГЕНГЕ КӨНДӘ ЯЗУЧЫЛАР БЕРЛЕГЕНДӘ 340 ТАН АРТЫК ӘГЪЗА. АЛАРНЫҢ АБСОЛЮТ КҮПЧЕЛЕГЕ ТАТАР МИЛЛӘТЕНЕҢ БҮГЕНГЕ ХӘЛЕНӘ БИТАРАФЛЫГЫН КҮРСӘТӘЛӘР: МӘЙДАННАРГА ЧЫГЫП МИЛЛӘТНЕ, ТАТАР МӘКТӘПЛӘРЕН, МИЛЛИ МӘНФӘГАТЬЛӘРНЕ ЯКЛАМЫЙЛАР, ХӘТТӘ ЕЛГА БЕР БУЛСА ДА ХӘТЕР КӨНЕНӘ ДӘ ЧЫКМЫЙЛАР. МИЛЛӘТ БЕТЕП БАРГАНДА ДӘШМИЛӘР! ДӘШМӘҮЛӘРЕ БЕЛӘН МИЛЛӘТЕБЕЗНЕ БЕТЕРЕРГӘ ЯРДӘМ ИТӘЛӘР! НИГӘ БЕЗГӘ УЛ ТАТАР ДИЕП ҮЗЛӘРЕН САНАП ЙӨРТҮЧЕЛӘР, МИЛЛӘТНЕ ЯКЛАМАГАЧ?
«Җәһәннәм биюе» туктармы?
«Стенага борчак сибү» дигән гыйбарәне ишеткән бар иде, ләкин мәгънәсен әле генә аңладым. Баксаң, бу Казан хакимиятенә нәрсәнедер аңлатырга тырышу икән – тавышы бар, мәгънәсе юк. Чөнки хакимият безне ишетергә дә, аңларга да теләми.
Язучылар съезды сак астында уза һәм рус телендә бара (видео)
Татарстан язучылары съездына кешеләр алдан чакыру буенча гына кертелде. Корылтай эшендә Татарстан президенты Рөстәм Миңнеханов катнашты. «Азатлык» берлеге рәисе Наил Нәбиуллин корылтай узган «Казан» үзәге каршында берүзе плакат күтәреп басып торды.
Русча
Туган көнең белән, Рөстәм!
/ 0
- Тулы мәгълүмат
- Бүлек: Белдерүләр
- Бастырылган: 20.05.2012 10:10
- Автор: Administrator
- 1 карау
Бүген "Азатлык" ТЯБ активисты һәм шулай ук яхшы дус һәм кешенең - Рөстәм Хәйруллинның туган көне.
Аны чын күңелдән "Азатлык" ТЯБ исеменнән туган көне белән котлыйбыз. Шәхси тормышында, укуында уңышлара телибез! Сәламәт, бәхетле бул!
Татар милләтенең якты киләчәге өчен алга таба да иңгә-иң көрәшергә язсын!
Синдә ага Татар каны -
Бу - Азатлык тамгасы!..
“Азатлык” Татар Яшьләре Берлеге Кырым татарларының кайгысын уртаклаша
/ 0
- Тулы мәгълүмат
- Бүлек: Белдерүләр
- Бастырылган: 18.05.2012 08:45
- Автор: KhayR
- 5 карау
Тугандаш кырымтатар халкына.
Туганнар! Кардәшләр!
Барлык татар халкы һәм татар милли хәрәкәте исеменнән кырым татарларының кайгыларын уртаклашабыз.
СССР хакимияте чыгарган карар белән 68 ел элек нәкъ 18 май көнне башланган сөргенлек вакыйгалары һәр кешенең күңеленә авыр кичерешле хисләр саладыр. Ә туганнарның хәлен туганнар яхшырак аңлый. Шуның өчен дә без, казан татарлары, элеккеге Совет хакимиятенең сәясәтен һәм, хәзергә кадәр дә мондый геноцидны танып, китергән зыяны өчен бурычын үтәргә теләмәгән СССРның варисы Русия Федерациясе хакимиятенең сәясәтен кискен тәнкыйтьлибез. Алга таба кырымтатар халкының үз җирендә тыныч яшәвен телибез. Киләчәктә, үз җирләребезне кайтарып, һәр милләт үз тормышын үзе хәл итеп, мөстәкыйль дәүләтле булуына өмет итәбез.
Татар мәкале болай ди: уртаклашкан шатлык – икеләтә шатлык, уртаклашкан кайгы – ярты кайгы. Безнең халыклар кайгыда да, шатлыкта да уртак булсын! Без бергә булганда, без көчле!
Туган көнең белән, Фәнил!
/ 0
- Тулы мәгълүмат
- Бүлек: Белдерүләр
- Бастырылган: 16.05.2012 22:21
- Автор: Administrator
- 4 карау
Бүген "Азатлык" ТЯБ активисты, рәис урынбасары, шәп шагыйрь һәм яхшы дус һәм кешенең - Фәнил Гыйләҗинең Туган көне.
Аны чын күңелдән "Азатлык" ТЯБ исеменнән туган көне белән котлыйбыз. Шәхси тормышында, эшендә, иҗатында уңышлар телибез! Сәламәт, бәхетле бул!
Татар милләтенең якты киләчәге өчен алга таба да иңгә-иң көрәшергә язсын!
Синдә ага Татар каны -
Бу Азатлык тамгасы!..
КЫРЫМ ТАТАРЛАРЫ, БЕЗ СЕЗНЕҢ БЕЛӘН! МИТИНГ!
/ 0
- Тулы мәгълүмат
- Бүлек: Урам чаралары
- Бастырылган: 15.05.2012 21:21
- Автор: Administrator
- 2 карау
1944 елның 18 маенда Совет хакимияте карары белән кырым татарларын туган җирләреннән депортациялиләр (ягъни, башка җиргә көч белән күчерәләр). Аларны Урта Азиягә җибәрәләр. Шул депортация вакытында күп кенә кеше үлә, бер-берсен югалталар, күп газап кичергә туры килә. Депортациянең сәбәбе дип кырым татарлары фашистлар яклы дигән ялган сәбәп игълан ителә.
2012 елның 18 маенда, җомга, 18:30 сәгатьтә "Азатлык" Татар Яшьләре Берлеге кырым татарларына - безгә тугандаш халыкка теләктәшлек күрсәтеп, аларның кайгыларын уртаклашып, "Кырым татарлары, без сезнең белән!" шигаре астында "Сәяси репрессияләр корбаннары хәтеренә" һәйкәле янында җыен уздыра.
Һәйкәл янында депортация вакытында һәлак булган кешеләрне искә алу, алар хөрмәтенә дога кылу булачак. Шулай ук мәгънәви шигырьләр cөйләнәчәк.
Барысы да ШӘҺӘР АДМИНИСТРАЦИЯСЕ белән килешелгән!
Бу чараның максатлары:
1) кырым татарларының кайгыларын уртаклашу;
2) татарлар һәм кырым татарлары арасында тугандаш һәм дустанә мөнәсәбәтләрне ныгыту;
3) җәмәгатьчелекнең игътибарын бу мәсьәләгә җәлеп итү.
ТАТАР ЯЗУЧЫЛАРЫНА КАРАТА ПИКЕТ
/ 0
- Тулы мәгълүмат
- Бүлек: Урам чаралары
- Бастырылган: 15.05.2012 21:17
- Автор: Administrator
- 4 карау
2012 елның 18 маенда Казан шәһәренең Милли Мәдәни Үзәгендә (НКЦ) Татар Язучылары Берлегенең СЪЕЗДЫ булачак!
Бүгенге көндә язучылар берлегендә 340 тан артык әгъза. Аларның абсолют күпчелеге татар милләтенең бүгенге хәленә битарафлыгын күрсәтәләр: мәйданнарга чыгып милләтне, татар мәктәпләрен, милли мәнфәгатьләрне якламыйлар, елга бер булса да ХӘТЕР КӨНЕнә булса да чыкмыйлар.
Милләт бетеп барганда дәшмиләр! Дәшмәүләре белән милләтебезне бетерергә ярдәм итәләр! Нигә безгә ул язучылар, милләтне якламагач?
Шуларны истә тотып, Язучылар берлеге съезды башлануы алдыннан - 2012 елның 18 маенда ММҮ (НКЦ) каршында иртәнге 8:00 сәгатьтә "Азатлык" Татар Яшьләре Берлеге "Язучыларга сүзебез" исемле пикет оештыра! Яшьләрнең язучыларга таләпләре:
- милли проблемаларны, мәктәпләрнең ябылып бетүенә, милли университет, телевидение булмавына язучылар протест белән чыгарга тиеш!
- милли мәсьәләләрне барлык язучылар бөтен җирдә күтәрергә тиеш!
- язучылар дәшмәүдән туктарга тиеш!
- язучылар тел, милләтне яклап, урам җыеннарында катнашырга тиеш!
һәм башка таләпләр!
Битараф булмаганнар, пикетка килегез!
МӨСЕЛМАН ЗИРАТЫН ЯКЛЫЙК! ЗАЩИТИМ МУСУЛЬМАНСКОЕ КЛАДБИЩЕ!
/ 0
- Тулы мәгълүмат
- Бүлек: Урам чаралары
- Бастырылган: 08.05.2012 22:44
- Автор: Administrator
- 15 карау
МӨСЕЛМАН КАРДӘШЛӘР!
Шушы көннәрдә Казан шәһәренең Совет районы прокуратурасы Казан читендә урнашкан бердәнбер мөселман зиратының эшчәнлеген туктатып тору, ябу нияте белән чыкты! Янәсе, ул законсыз эшли...
Бүген зиратыбызны тартып алырлар, ә иртәгә? Мәчетләрдә никах укытуны, намаз кылуны тыярларламы? Бөрсекөнгә мөселманча исем кушу законсыз булып чыгармы?
Моңа кискен итеп "ЮК!" дип әйтергә кирәк! Мөселманнар, үз хокукларабызны, мөселман зиратын яклыйк!
11 май 15:00 сәгатьтә Ирек Мәйданында, ТРның МИНИСТРЛАР КАБИНЕТЫ каршында МӨСЕЛМАН ЗИРАТЫН ЯКЛАУ ПИКЕТЫ БУЛАЧАК!
Битараф булмагыз! Килегез!
Үз сүзебезне әйтергә вакыт!
Оештыручы: "Азатлык" Татар Яшьләре Берлеге.
Якындагы чаралар!
/ 0
- Тулы мәгълүмат
- Бүлек: Урам чаралары
- Бастырылган: 06.05.2012 17:08
- Автор: Наил Нәбиуллин
- 16 карау
"Азатлык" Татар Яшьләре Берлеге май аенда шундый урам чаралары планлаштыра:
- 11 май 15.00 сәгатьтә Ирек Мәйданы, ТРның Министрлар Кабинеты каршында ТАТАР-МӨСЕЛМАН ЗИРАТЫН яклау пикеты;
- 17 май 18.00 сәгатьтә Камал театры һәм "Кольцо" СҮ арасында урнашкан Габдулла Тукай һәйкәле янында "ФӘИЗ, КИТ! ИЛДУС ФӘИЗНЕ - ОТСТАВКАГА!" - пикеты;
- 18 май 8.15 сәгатьтә НКЦ янында татар язучылары корылтае алдыннан "Татар язучылары, милләт бетә, мәктәпләр ябыла, ник дәшмисез?", "Язучылар, армадыгызмы әле хакимиятнең бер җирен ялап ятып?" лозунглары астында пикет узачак;
- 18 май 18.30 да Ленин бакчасы эчендә, Лобачевский урамында урнашкан Сәяси репрессия корбаннары һәйкәле янында ТУГАНДАШ КЫРЫМ ТАТАРЛАРЫНЫҢ ГЕНОЦИДЫ, депортацияне искә алу матәм митингы булачак;
- май ахырында Бауман урамында БАТЫРША ВОССТАНИЕСЫ башланган көнне искә алып, концерт булачак!
Тулырак мәгълүмат соңарак язылыр, VK челтәрендә махсус очрашулар ясалыр!
Пикникка баручыларга
/ 0
- Тулы мәгълүмат
- Бүлек: Белдерүләр
- Бастырылган: 05.05.2012 22:08
- Автор: Administrator
- 16 карау
Безнең белән пикникка баручылар игътибарына!
10 майда җыелабыз - оештыру сорауларын хәл итәргә кирәк! Кем бара - килүегез сорала! Яисә безнең белән элемтәгә керегез!
Без матбугатта (апрель 2012)
/ 0
- Тулы мәгълүмат
- Бүлек: Без матбугатта
- Бастырылган: 02.05.2012 23:45
- Автор: Administrator
- 24 карау
Илдар Насыйпов: "Халкымның азатлыгы өчен көрәшергә телим" (көзге)
“Азатлык” татар яшьләре берлеге соңгы вакытта үз эшен киңрәк җәелдерүгә омтыла. Татарстанның Казан, Чаллы, Түбән Кама, Алабуга калаларында бу берлекнең бүлекләре булдырылган яки эшләрен яңартканнар. Башкортстанның Октябрски каласында да татар яшьләре оешмасы төзелеп килә.
Яңалыклар тасмасы
Ярдәм
410011266517419
